تورک اوشاغی مدرسه ده

مدرسه ده موعللیم
گینه دویدو الیمدن


باشار مادیم فارسینی
ایراد توتدودیلیمدن
دئدیم : آغا موعللیم
وورما ، گوینه دی الیم
نه دیر آخی گوناهیم
تورکودور منیم دیلیم
یا پیشدی قولاغیمدان دئدی : بوراخ تورکونو
اوقالدی ائوینیزده اونوت گئتسین کوکونو
اوءیره نمه سن آب - بابا آچاجاقسان الینی
کوتک ییه ندن سونرا اونودارسان دیلینی
سنین هاران تورکدور؟ آذریسن ، آذری
کیم اویره دیبدیر سنه بیله یانلیش سوزلری
آخدی گوزومون یاشی تیتره دی دیل -دوداغیم
بئله یالان سوزلره اینانمادی قولاغیم
آنام منی اویدورماز آتام منی آلداتما ز
بو سو زلرین هئچ بیری منیم عاغلیما باتماز
نییه منیم آدیمی سوروشماییر اوزومدن
نییه سوزون دوزونو اوخوماییر گوزومدن
هرکس یالان دانیشسا آلاهین دوشمانی دیر
من کی یالان دئمیرم بو اونون یالانی دیر
لایلای دئیبدیرآنام منه بئشیکده تورکو
دانیشمیشیق هامیمیز ائوده ائشیکده تورکو
نه دن گرک یازمایاق دیلیمیزی کیتابا
مدرسه ده نه اوچون گلمه یک بیز حسابا ؟
قوی بو یویوم بیر اوزوم اولاجاغام موعللیم

اوندا چوخ ایش گوره جک بوگون گوینه ین الیم

کیلاسیمدان گله جک ائلیمیزن اوز سسی

اولاجاقدیر او زمان تورکون ده مدرسه سی