گئتمک ایستییرسن

 

گئتمک ایسته ییرسن،بهانه سیز گئت،

اویاتما مورگولو خاطیره لری.
سسین همن سسدیر ،
 باخیشین اؤگئی،
گئدیرسن،
سسین ده یاد اولسون باری...
سن دنیز قوینونا تولانمیش چیچک،
اوستونه دالغالار آتیلاجاقدیر.
ساختا محببتین ساختا سند تک
نه واختسا اوستونده توتولاجاقدیر.
دؤشه نیب یوللارتک آیاقلارینا
سنه یالواریم می...
بو مومکون دئییل!
قویمارام قلبیم تک ووقاریم سینا
آلچالیب یاشاماق عؤمور- گون دئییل.
دئمیرم سن اوجا بیرداغسان،اییل،
دئمیرم قالیبدیر علاجیم سنه.
نه سنده محبت قارا پول دئییل،
نه من دیلنچییم ال آچیم سنه...
گئتمک ایسته ییرسن...
او یول اودا سن...
بیر جوت گؤز باخاجاق آرخانجا سنین.
گئتدین می...
نه واختسا دؤنمک ایسته سن
تیکانلی یاستیغا دؤنه جگ یئرین.
گئتمک ایسته ییرسن...
نه دانیش ،نه دین!
یوخ اؤل اوزاقلارتک دوماندا، چنده...
نه ییمی سئومیشدین؟
دئییه بیلمه دین،
ایندی یوز عیب گؤرورسن منده.
گئتمک ایسته ییرسن،
بهانه سیز گئت،
اؤویاتما مورگولو خاطیره لری.
سسین همن سسدیر ،
باخیشین اؤگئی، گئدیرسن،
سسین ده یاد اولسون باری...

نظری دارید ؟